«Թիմային որոշում է»,- Factor TV-ի հետ զրույցում Անվտանգության խորհրդի քարտուղար նշանակված Ալեն Սիմոնյանն այսպես է մեկնաբանել իր նոր նշանակման որոշումը:
«Մենք թիմ ենք, թիմային որոշում է, քննարկում է եղել»,- ասել է նա։
Սիմոնյանը շնորհակալություն է հայտնել վարչապետ Նիկոլ Փաշինյանին՝ նման որոշում կայացնելու համար, նշել է, որ իր նշանակման հրամանագիրը ստորագրվել է րոպեներ առաջ, իսկ իր աշխատանքի մանրամասների մասին կխոսի ավելի ուշ։
Հիշեցնենք՝ այսօր Նիկոլ Փաշինյանը հայտարարել էր, որ Արմեն Գրիգորյանը «դադար է վերցնում, հակված չէ աշխատել պետական ծառայությունում» և ազատել էր նրան ԱԽՔ պաշտոնից։ Այդ պաշտոնում նշանակել էր Ալեն Սիմոնյանին, ով նախկին գումարման ԱԺ նախագահն էր։
