Մոսկվայի քաղաքացիները կկարողանան սեպտեմբերին առցանց քվեարկել Պետդումայի և Շչուկինոյի շրջանի քաղաքային ընտրություններում։
Ռիա նովոստին հայտնում է, որ հեռավար քվեարկությունը տեղի կունենա սեպտեմբերի 18-ին, Մոսկվայի ժամանակով ժամը 8:00-ից մինչև սեպտեմբերի 20-ը, Մոսկվայի ժամանակով ժամը 20:00-ն։
Մասնակցելու համար դիմում ներկայացնելու կարիք չկա: Ընտրությունների օրերին Մոսկվայում գտնվելը նույնպես պարտադիր չէ. մայրաքաղաքի բնակիչները կարող են քվեարկել mos.ru կայքում երկրի ցանկացած վայրից:
«Ձեզ անհրաժեշտ է միայն ինտերնետին միացված սարքից ձեզ հարմար ժամանակ այցելել քվեարկության էջը, մուտք գործել ձեր հաշվով և հաստատել ձեր մուտքը։ Մուտք գործելուց հետո համակարգը ընտրողներին կտրամադրի երկու անանուն էլեկտրոնային քվեաթերթիկ՝ մեկը՝ կուսակցություն ընտրելու, իսկ մյուսը՝ միամանդատ ընտրատարածքի թեկնածու ընտրելու համար», - բացատրվում է հայտարարության մեջ։
Բացի այդ, mos.ru պորտալում բացվել է Մոսկվայում սեպտեմբերին կայանալիք ընտրություններին հատկացված բաժին: Այստեղ ընտրողները կարող են տեղեկանալ քվեարկության առկա մեթոդների և Մոսկվայի էլեկտրոնային քվեարկության համակարգում տվյալների անվտանգության ապահովման մասին
