2026 թվականի հունիսի 25-ը վճռորոշ օր է Միքայել Սրբազանի գործով դատավարության ընթացքում, այդ օրը կայանալու է վերջին դատական նիստը, որից հետո դատարանը կհեռանա խորհրդակցական սենյակ՝ վճիռ կայացնելու նպատակով։
Միքայել Սրբազանի բոլոր աջակիցներին, համախոհներին և արդարության կողմնակից քաղաքացիներին կոչ են անում հունիսի 25-ին ներկայանալ դատարանի շենքի առջև։
«Միքայել Սրբազանը ոչ միայն Հայ Առաքելական Սուրբ Եկեղեցու հոգևորական է, այլև բացառիկ պետականամետությամբ, հայրենասիրությամբ և ազգային պատասխանատվության զգացումով օժտված հանրային գործիչ է, որի գործունեության առանցքում մշտապես եղել են Հայրենիքը, Հայաստանի Հանրապետությունը, պետական ինքնիշխանությունը, ազգային արժեքները, հայ ժողովուրդն ու նրա անվտանգ ապագան։
Հունիսի 25-ին յուրաքանչյուրի ներկայությունը կարևոր է։
Այդ օրը դատարանի առջև հավաքվելը ոչ միայն աջակցություն է Միքայել Սրբազանին, այլ նաև հստակ ուղերձ, որ Հայաստանում կան քաղաքացիներ, ովքեր չեն հրաժարվում արդարության պահանջից, չեն լռում ազգային ու պետական արժեքների պաշտպանության հարցերում և պատրաստ են իրենց ներկայությամբ վկայել իրենց կամքն ու համոզմունքները։
Իրազեկում ենք անում Միքայել Սրբազանի բոլոր աջակիցներին, համախոհներին և արդարության կողմնակից քաղաքացիներին հունիսի 25-ին ներկայանալ դատարանի շենքի առջև։
Եկե՛ք միասին ցույց տանք, որ Սրբազանը մենակ չէ։
Եկե՛ք վկայենք, որ հայրենիքի, պետականության և ազգային արժանապատվության գաղափարները շարունակում են համախմբել հազարավոր մարդկանց։
Հունիսի 25-ը միայն դատական նիստի օր չէ։ Այն օր է, երբ պետք է լսելի դառնա հանրության ձայնը»,- ասվում է հաղորդագրությունում։
