Ծեծկռտուքի հետևանքով կոտրվել է Գյուլագարակի համայնքապետարանի դռան ապակիները. «Իշխանություն»

Գյուլագարակում տեղի ունեցած ծեծկռտուքի հետևանքով կոտրվել է համայնքապետարանի դռան ապակիները:  Այս մասին հայտնում է «Իշխանություն» լրատվականը։ Աղբյուրը երեկ հայտնել էր, որ ընդդիմությանը ընտրելու կասկածանքով ՔՊ-ականները ծեծի են ենթարկել համայնքի բնակիչ Կարենին, կոտրվել է վերջինիս քիթը: Իրադարձությունները տեղի են ունեցել համայնքապետարանի տարածքում, ինչին մասնակից է եղել նաև Գյուլագարակի համայնքապետ Խաչիկ Վարդանյանը և նրա աշխատակիցը:

«Մեր հրապարակումից հետո ոստիկանության աշխատակիցներ են ժամանել դեպքի վայր, արձանագրել կատարվածը: Սակայն ՆԳՆ-ից չեն ցանկանում մեկնաբանել միջադեպը: Մեզ պատմեցին, որ իրավապահները ամեն ինչ անում են դեպքը կոծկելու համար:

Նկատենք, որ Գյուլագարակի համայնքապետարանի պաշտոնական էջում մեր հրապարակումը հերքող տեղեկություն է տարածվել, ինչը զավեշտալի է, քանի որ անգամ փաստը արձանագրող տեսանյութ կա»,-նշում է աղբյուրը։