ԱՄՆ-ն, Իրանը և տարածաշրջանային միջնորդները քննարկում են 45-օրյա հնարավոր հրադադարի պայմանները՝ որպես հակամարտության կարգավորման առաջին փուլ։ Լուրը հաղորդում է Axios-ը՝ հղում անելով աղբյուրներին։
«ԱՄՆ-ն, Իրանը և տարածաշրջանային միջնորդների խումբը քննարկում են 45-օրյա հնարավոր հրադադարի պայմանները, որը կարող է հանգեցնել պատերազմի մշտական դադարեցմանը», - նշվում է հոդվածում։
Ըստ պորտալի՝ կողմերը այս քայլը դիտարկում են որպես հակամարտությանը վերջ դնելու համաձայնագրի երկու փուլերից առաջինը։ Հոդվածում բացատրվում է, որ այս ընթացքում սպասվում են վերջնական խաղաղության պայմանների վերաբերյալ քննարկումներ։ Հրադադարը կարող է երկարաձգվել, եթե կողմերին բանակցությունների համար ավելի շատ ժամանակ անհրաժեշտ լինի։
