ՀՀ ԱԺ նախկին պատգամավոր Սամվել Ֆարմանյանը ֆեյսբուքյան իր էջում գրում է. «Տիտղոսային ընդդիմությանը
Ամեն ինչ օրինաչափ է: Երբ նոյեմբերի 9-ից հետո նիկոլներն ու ալենները մկան ծակին հազար թուման էին տալիս, դուք առաջնորդվեցիք նրանով, ինչ ձեզ հրահանգվեց «վերևից»՝ Նիկոլը դավաճան չէ:
Երբ ողջ ժողովուրդը ցավից ատամներն էր կրճտացնում ու գլուխը պատեպատ տալիս, սեփական աչքի տեսածին չէր հավատում, դուք ձեր աննորմալ հակառեյտինգով գիտակցված գնացիք Նիկոլի հետ ընտրության ու ապահովեցիք Նիկոլի վերընտրությունը: Հիմա էլ կրկնում եք նույնը:
Երբ խորհրդարանում ծեծում ու ստորացնում էին Սեյրան Օհանյանին ու մյուսներին, դուք գերադասեցիք զոհել ձեր պատիվն ու արժանապատվությունը:
Արդյունքն այն է, ինչ ունենք բոլորս՝ իրենց դիրքից ու ունեցած «հաջողությունից» չափերը կորցրած քաղաքական խուժաններ՝ իշխանության ամենաբարձր օղակներում:
Սթափվե՛ք, գժուկնե՜ր…»
