Այս իշխանություններն օրվա մեջ 4-5 անգամ սխալվում են, դա քիչ չէ՝ ասում են՝ մենք նման բան չենք ասել. լրագրողներին ասաց ԱԺ պատգամավոր Գառնիկ Դանիելյանը։
«Առավոտվա ասածը կեսօրին ասում է՝ «լա՞վ եք տեսել, կարող է մենք չէինք»,– նշեց նա՝ ակնարկելով մի օրերս Փաշինյանի և արցախցի կնոջ միջադեպը, երբ Փաշինյանն առավոտյան ասել էր՝ «փախածներով ինձ մեղադրում եք», իսկ կեսօրին հերքել էր, որ նման բան է ասել։
«Եթե մարդը քրոնիկ ստախոս է, ինչի՞ մասին է խոսքը։ Չե՞ք տեսնում՝ մարդը մի քանի ժամ առաջ ասածը հերքում է, ասում է՝ ես չեմ։ Ինքն այդպես էլ երկիր է կառավարում, այդպես էլ գնում է բանակցությունների։ Գիտենք՝ բանակցություններին ով ինչպես է իրեն պահել, ինչ խնդիրներ է ունեցել։ Երկիրը չպետք է կառավարվի «ուրախ ավտոբուսի» տրամաբանությամբ։ Նույնը նաև արտաքին հարաբերություններում է․ գժի տեղ դնելով՝ բանակցություններ վարելով արդյունքի կհասնե՞ն։ Եթե նման հաջողված փորձ կա, ինչո՞ւ մյուս երկրներն էլ չեն անում», - ասաց նա։
