Ճապոնիայի Իչիկավայի կենդանաբանական այգում ծնված փոքրիկ մակակա Պանչն իր տխուր պատմությամբ ոչ միայն այցելուներին է հուզել, այլ նաև դարձել է համաշխարհային համացանցային սենսացիա։
Պանչը՝ 8 ամսական ձագ, ծնվելուց կարճ ժամանակ անց լքել է մայրը։ Քանի որ նորածին կապիկները բնազդաբար կառչում են իրենց մայրերից՝ հարմարավետության և անվտանգության համար, կենդանաբանական այգու աշխատակիցները ստիպված են եղել ձեռքով խնամել նրան։
Մոր բացակայության պատճառով Պանչի անհանգստությունը մեղմելու համար նրան փափուկ խաղալիքներ են տվել, և նա արագ կապվել է փափուկ խաղալիք օրանգուտանի հետ։ Պանչը շրջում է, քնում և խաղալիքը օգտագործում է որպես փոխնակ ծնող։
Տեսարանը, երբ փոքրկը գրկում է իր փափուկ խաղալիքը, հուզել է և՛ այցելուներին, և՛ սոցիալական ցանցերի օգտատերերին՝ ընդգծելով հարմարավետության և սոցիալական կապի կարևորությունը։
Ի դեպ, կենդանաբանական այգին արձանագրել է նախորդ տարիների համեմատ զգալի աճած այցելուների հոսք՝ շատ մարդիկ գալիս են ոչ թե ամբողջ այգին տեսնելու, այլ հենց Պանչին՝ նրա յուրահատուկ վարքագծի պատճառով։
