Ադրբեջանը միակ երկիրն է, որը հասել է լիակատար և բացարձակ հաղթանակի։ Նման հայտարարություն է արել այդ երկրի նախագահ Իլհամ Ալիևր։
Նա հայտարարել է, որ համաշխարհային հանրությունը ճանաչել է Հայրենական պատերազմից և 2023 թվականի սեպտեմբերյան գործողությունից(խմբ․ Արցախի օկուպացիա) հետո Ադրբեջանի ստեղծած նոր իրողությունները:
Նրա խոսքով՝ Բաքվի դեմ պատժամիջոցներ կիրառելու փորձերը ձախողվեցին, իսկ Վաշինգտոնում ստորագրված փաստաթղթերը վերջնականապես ամրագրեցին Բաքվի հաղթանակը: Ալիևն ընդգծել է, թե Ադրբեջանը, իբր, վերականգնել է տարածքային ամբողջականությունը և ստիպել ստորագրել կապիտուլյացիայի ակտը՝ դառնալով տարածաշրջանում խաղաղության երաշխավորը:
