Իսրայելի հարվածներին ի պատասխան՝ Իրանի Իսլամական հեղափոխության պահապանների կորպուսը (ԻՀՊԿ) հայտարարել է «Իրական խոստում 3» գործողությունը սկսելու մասին, որի թիրախը Իսրայելում գտնվող ռազմական թիրախներն են։ Այս մասին ասվում է ԻՀՊԿ-ի հայտարարության մեջ, հաղորդում է ՏԱՍՍ-ը։
«Իրանի ԻՀՊԿ-ն «Իրական խոստում 3» գործողությունների շրջանակներում ավերիչ և ճշգրիտ հարվածներ է հասցնում սիոնիստական ռեժիմի տասնյակ թիրախների, այդ թվում՝ ռազմական կենտրոնների և ավիաբազաների վրա», - ասվում է հայտարարության մեջ։
Ավելի վաղ հաղորդվել էր, որ Իսրայելի ՀՕՊ համակարգերը սկսել են հետ մղել Իրանի կողմից երկրորդ հրթիռային հարձակումը։ Պայթյուններ են լսվել Թել Ավիվի տարածքում։ Իսրայելական «13-րդ ալիք»-ի տրամադրած տեղեկատվության համաձայն՝ իրանական բալիստիկ հրթիռներից մեկը հարվածել է Թել Ավիվի Կիրյա քաղաքում գտնվող Իսրայելի պաշտպանության նախարարության շտաբ-բնակարանին։ Միևնույն ժամանակ, իրանական IRNA գործակալությունը հաղորդում է, որ իրանական մի քանի հրթիռներ հասել են իրենց նշանակետին և հարվածել Իսրայելի ազգային անվտանգության նախարարության շենքին։
