Փրկարար ծառայության մեքենայի մասնակցությամբ Գյումրիում տեղի ունեցած խոշոր վթարի հետեւանքով տուժած 9-ամյա աղջկան ծանր վնասվածքներով տեղափոխել են Երեւան։
«Երեխան վերակենդանացման բաժանմունքում է, այլ մանրամասներ հաղորդել չենք կարող», - «Փաստինֆո»-ին հայտնեցին Սուրբ Աստվածամայր բժշկական կենտրոնից։
Արդեն հայտնել ենք, որ ողբերգական ավտովթարը տեղի է ունեցել, երբ ՆԳՆ փրկարար ծառայության անձնակազմը կանչով ուղեւորվել է դեպքի վայր, վթարի ժամանակ բախվել են նաեւ «Mercedes», «Ford Transit», «Opel» և «ԳԱԶ 3110» մակնիշի ավտոմեքենաները:
Ճանապարհատրանսպորտային պատահարի հետևանքով վեց անձ, այդ թվում՝ երեք փրկարարական ծառայող, տեղափոխվել է բժշկական հաստատություններ։
«Ford» մակնիշի ավտոմեքենայի վարորդը, ստացած մարմնական վնասվածքների հետևանքով, մահացել է։
Դեպքի առթիվ նախաձեռնվել է քրեական վարույթ։
