Իրկուտսկի մարզում ավելի քան 200 տուն մնացել է առանց էլեկտրականության Տու-22Մ3 ինքնաթիռի վթարից հետո, որը հարվածել է էլեկտրահաղորդման գծին, Ռիա Նովոստիի փոխանցմամբ, հայտնել է Իրկուտսկի նահանգապետ Իգոր Կոբզևը։
Ինչպես ավելի վաղ հայտնել էր ՌԴ ՊՆ-ն, Տու-22Մ3 ինքնաթիռը վթարի է ենթարկվել Իրկուտսկի մարզում՝ պլանային թռիչք կատարելիս, չորս հոգուց բաղկացած անձնակազմը ցած է նետվել, իսկ մեկ օդաչու մահացել է վայրէջքի հետևանքով։ Նախնական տվյալներով՝ վթարի պատճառը եղել է տեխնիկական անսարքությունը։
«Ինքնաթիռը բախվել է էլեկտրահաղորդման գծին՝ թողնելով առանց էլեկտրականության 210 տուն։ Իրկուտսկի էլեկտրացանցային ընկերության թիմն աշխատում է դեպքի վայրում: Հուսով եմ, որ արագ կվերականգնվի: Մոտավոր ժամանակը՝ մինչև առավոտ»,- գրել է Կոբզևը Telegram-ի իր ալիքում:
