Քաղաքացին ահազանգում է՝ Թելսելը բանկային քարտից գումար է գանձել, բայց ինքը երեք օր ոչ տրանսպորտ է նստել, ոչ էլ տոմս է գնել․ Լուսանկար

Քաղաքացին ահազանգում է՝ Թելսելը բանկային քարտից գումար է գանձել այն դեպքում, երբ ինքը երեք օր տրանսպորտ չի նստել և ոչ էլ տոմս է գնել։

«Այս գիշեր՝ ժամը 1։33 և 1։43, Թելսելը փորձ է կատարել իմ բանկային քարտից երկու անգամ գանձել 150-ական դրամ, այն ժամանակ, երբ ես քնած էի։

Քանի որ ես քարտի վրա փող չունեի, դրանք մերժվել են։ Ահա, սիրելինե՛րս, այն, ինչի մասին գրում եմ այսքան ժամանակ։ Ու այսպիսի համակարգով ուզում են սպասարկեն 1 միլիոնանոց քաղաք։ Ասեմ, որ երեք օր տրանսպորտ չեմ էլ նստել, ոչ էլ տոմս եմ գնել»,-գրել է նա։

Քաղաքացու գրառումը այլ քաղաքացիներ են մեկնաբանել՝ նշելով, որ հավելյալ գանձումների փաստեր իրենք էլ են ֆիքսել։

«Ինչը ստիպում է այլևս չօգտագործել բանկային քարտը՝ տրանսպորտի համար»,-գրել է մեկ ուրիշ օգտատեր։