Ռուսաստանը ոչ մի դեպքում թույլ չի տա Ուկրաինային վերականգնել հսկողությունը Ղրիմի նկատմամբ: Ինչպես փոխանցում է Тасс-ը, այս մասին հայտարարել է Բելառուսի նախագահ Ալեքսանդր Լուկաշենկոն։
«Ռուսաստանը երբեք չի վերադարձնի Ղրիմը։ Չեմ պատկերացնում, թե ինչ պետք է տեղի ունենա, որպեսզի նրանք հեռանան այնտեղից, որտեղ հիմա են։ Ուստի, այս հարցն արդեն լուծված է»,- ասել է Բելառուսի ղեկավարը։
Նա հավելել է, որ արևմտյան առաջնորդները նույնպես սկսել են նման պատասխան տալ այս հարցին։
