Երեկ արդարադատության ու արդարության հետ կապված Նիկոլ Փաշինյանի մտքերը, որ հնչում էին, ուղղակի հակասության մեջ են Արմեն Աշոտյանի հետ կատարվող քաղաքական դատաստանի հետ, լրագրողների հետ զրույցում հայտարարեց ԱԺ նախկին պատգամավոր Նաիրա Զոհրաբյանը։
«Ինձ թվում էր, թե մենք ինչ-որ զավեշտի, հումորի երեկոյի էինք մասնակցում, որովհետև տպավորություն ունեմ, որ Նիկոլ Փաշինյանն իր անճաշակ ու հակաէսթետիկ փոդքասթները լրացնելու համար հիմա էլ անցել է այլասերված շուոների, քանի որ նույն միջազգային կառույցները քանիցս արձանագրել են, որ ՀՀ-ում դատական համակարգը կոռումպացված է, բարձրաստիճան կառույցները ներքաշված են կոռուպցիայի մեջ»,-նշեց Զոհրաբյանը։
