Ըստ որոշ աղբյուրների՝ մետապնևմովիրուսից մահացությունը կազմում է 43%, սակայն իրականում դա այդպես չէ, Gazeta.Ru-ին ասել է Պիրոգովի համալսարանի Կլինիկական բժշկության ինստիտուտի վարակիչ հիվանդությունների և համաճարակաբանության ամբիոնի վարիչ, պրոֆեսոր Վլադիմիր Նիկիֆորովը։
«Իրականում մետապնևմովիրուսի մահացությունը շատ ցածր է։ Ժամանակակից ժանտախտն ունի 7% մահացություն, COVID-19-ը՝ 2-3%։ Միայն «Էբոլա» տենդն ունի մահացության 50% կամ դրան մոտ ցուցանիշ, այնպես որ, եթե մետապնևմովիրուսից մահացության մակարդակը լիներ 43%, մենք հիմա կարանտինում կլինեինք։ Ես աղետալի իրադարձություն չեմ տեսնում այս բռնկման հետ կապված։
Մետապնևմովիրուսը նոր վիրուս չէ։ Այն հայտնի է, այն մանրամասն նկարագրվել է դեռևս 2001 թվականին՝ Հոլանդիայում։ Ինչպես ցանկացած այլ վիրուս, այն պարբերաբար բռնկվում է», - ասել է բժիշկը:
Նրա խոսքով, մետապնևմովիրուսը սիմպտոմատիկորեն գործնականում չի տարբերվում սուր շնչառական վիրուսային վարակներ առաջացնող այլ վիրուսներից և բուժվում է նույն կերպ։
«Մետապնևմովիրուսի ախտորոշումը հնարավոր է միայն լաբորատորիայում։ Նրա ախտանիշները նույնն են, ինչ սեզոնային գրիպի ախտանիշները: Այստեղ բուժումը պաթոգենետիկ է, ազդում է բուն պրոցեսի վրա, բայց բուժման մարտավարությունն այստեղ բացարձակապես նույնն է՝ ինչ սեզոնային գրիպի դեպքում՝ սինդրոմային»,- ասել է բժիշկը։
