ՀՀ պաշտպանության նախկին նախարար Արշակ Կարապետյանին ոչ թե բերման են ենթարկել Ռուսաստանի Դաշնության ոստիկանություն, այլ հրավիրել են զրույցի` հիմնված Հայաստանի Հանրապետության իրավապահ մարմինների կողմից ստացված փաստաթղթերի վրա, այս մասին հայտնել են «Հայելի» մամուլի ակումբից։
«Կարճ ժամանակ անց Արշակ Կարապետյանը դուրս է եկել Ոստիկանությունից. իր տպավորությամբ՝ ռուս իրավապահների մոտ իր դեմ Հայաստանում բացված քրեական գործերը առաջացրել են զարմանք և ծիծաղ։
Ուշագրավ է, որ այս գործերը բացվել են Արշակ Կարապետյանի կողմից Ալիևի ահաբեկչական ռեժիմին և Ադրբեջանի դեմ ուղղված հայտնի ուղերձից հետո, որտեղ նա բացահայտում է ադրբեջանական արտաքին քաղաքականության և Զինված Ուժերի թերությունները»,- ասվում է հաղորդագրությունում։
