Պետք է անկեղծ խոստովանել՝ ՀԱՊԿ-ը, որը ստեղծվել է բոլորվին այլ միջավայրում, նոր իրողություններին համապատասխանեցվելու խնդիր ունի. դիվանագետների խորհրդի և ՄԳԻՄՕ-Ի հերթական « ՀՀ-ն և ՌԴ-ն՝ ռեգիոնալ վերաձևավորման շրջանում» թեմայով հրավիրված համաժողովին ասաց ՀՀ նախկին ԱԳ նախարար Արա Այվազյանը։
Ըստ նրա՝ ներկայումս ՀԱՊԿ-ը չի կարող արագ և արդյունավետ արձագանքել ժամանակակից մարտահրավերներին, քանի որ երկրները յուրովի են մեկնաբանում անվտանգության սպառնալիքների մակարդակը և համապատասխան որոշումներ կայացնում։
Այս հարցում, նրա խոսքով՝ ՀՀ-ն տխուր փորձ ունի, որը ոչ միայն ազդանշան տվեց արտաքին խաղաղացողներին կառույցի հնարավորությունների մասին, այլ նաև կազմակերպությունում ներքին վստահությունը չամրապնդեց։
Նա նշեց, որ ՀԱՊԿ-ի խորհրդի ջանքերը հույս են տալիս, որ կազմակերպության վերափոխման գիտակցում կա։
Արա Այվազյանը նշեց, որ այսօր ռազմաքաղաքական միավորումները և տարածաշրջանային կոալիցիաներն առաջիկայում որոշիչ նշանակություն են ունելու։
«Ռեգոնալ կոալիցիա կազմելու խնդիր է այսօր դրվում։ Հենց այստեղ է, որ ՀՀ-ն կարող է առանցքային դեր ունենալ, որն ի վերջո կհանգեցնի ընդհանուր վտանգի հաղթահարման՝ ինչպես տարածաջանում, այնպես էլ դրանից դուրս»,-ասաց նա։
