Ավելի քան 250 հայկական բեռնատարներ են գրանցված Վերին Լարսի անցակետի էլեկտրոնային հերթում: Տեղեկությունը հայտնում է Հյուսիսային Օսեթիայի ճանապարհային երթևեկության կազմակերպման կենտրոնը։
Ընդհանուր առմամբ, վերջին տվյալներով, հերթում 964 բեռնատար կա, որոնցից 257-ը հայկական համարանիշներով են։
Կուտակումները պայմանավորված են նրանով, որ Վրաստանից դեպի Ռուսաստան տանող ճանապարհը փակվել է մեծ բեռնատարների համար։ Պատճառը Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում տեղացած ձյունն է։
