Մայրաքաղաքի մանկապարտեզներն այժմ ավելի բարեկարգ և հարմարավետ են. համայնքի ենթակայությամբ գործող 40 նախակրթարաններ համալրվել են ֆիզկուլտուրայի պարապմունքների համար նախատեսված նոր գույքով, հայտնում են Երևանի քաղաքապետարանից։
«Երևանի հ. 60 մսուր-մանկապարտեզի սաներն արդեն իսկ մարզումներն անցկացնում են նոր խաղային գույքով: Դասընթացը երեխաների համար դարձել է ավելի գունեղ և հետաքրքիր:
Նախաձեռնությունը լինելու է շարունակական: Համայնքի ենթակայությամբ գործող 162 մանկապարտեզները փուլ առ փուլ կհամալրվեն նոր ու ժամանակակից մարզագույքով»,-նշված է հաղորդագրության մեջ։
