Ես կուզեմ, որ Երեւանի պատվավոր քաղաքացիները գան եւ քաղաքային իշխանություններին ասեն՝ Տղերք, ձեզ մոտ չստացվեց կենտրոնը բեռնաթափել, եկեք համարձակություն ունեցեք, հետ նահանջ արեք ձեր քայլից: Այս մասին այսօր՝ հոկտեմբերի 15-ին, Երեւանի ավագանու նիստում ասաց «Մայր Հայաստան» խմբակցության ղեկավար Մեսրոպ Մանուկյանը:
«Հետո արդեն ձեր սխալն ընդունելով ճիշտ քայլ արեք որպես այդպիսին: Ես պատրաստ եմ մեր պատվավոր քաղաքացիներին հրավիրել ճաշկերույթի, նաեւ այն մարդկանց, որոնք պատրաստ են գալ, միանալ եւ մենք միասին բոլորս քննարկենք այդ հարցը»,-ասաց նա:
Հիշեցնենք, որ Երեւանում կարմիր գծերի վճարը բարձրացնելու որոշման հիմքում քաղաքի կենտրոնը բեռնաթափելն էր, սակայն այդ ուղղությամբ որեւէ փոփոխություն չկա: Երեւանի կենտրոնը նախկինի պես ծանրաբեռնված է, փոխարենը քաղաքի բյուջեն է միայն այդ թանկացումից շահել:
