«Էրեբունի Երևոն» տոնակատարությունն ավելի ամբողջական կլիներ, եթե մենք երևանցիներին անեինք այդ նվերը, նախորդ նիստի ժամանակ ձեռք բերված քաղաքական համաձայնությունը և օրակարգում ընդգրկվեր Երևանի ավագանու արտահերթ ընտրությւոնների գնալու հարցը»,-ավագանու այսօրվա նիստի մեկնարկին ասաց Երևանի ավագանու «Մայր Հայաստան» խմբակցության ղեկավար Մանուկ Սուքիասյանը։
Նա հիշեցրեց, որ Երևանի ավագանու՝ սեպտեմբերի 10-ի նիստի ժամանակ քաղաքապետի պաշտոնը զբաղեցնող Տիգրան Ավինյանը հայտարարեց, որ ինքը պատրաստ է գնալ արտահերթ ընտրությունների, միայն թե դրա մեխանիզմն առաջարկվի։
Այդ հայտարարությունից հետո «Մայր Հայաստան» խմբակցությունն Ավինյանին ներկայացրեց Երևանի ավագանու արտահերթ ընտրությունների գնալու մեխանիզմը՝ երևանցիների 9%-ի ձայնը ստացած «քաղաքապետը» տալիս է հրաժարական, ավագանին երկու անգամ չի՛ ընտրում քաղաքապետ ու ավագանին արձակվում է օրենքի ուժով։
Մանուկ Սուքիասյանը տարակուսեց, որ համաձայնությունն եղել է, բայց ավագանու նիստի օրակարգում այդ հարցը չկա։
«Այս պահին քաղաքային իշխանությունների նոր ընտրության հարն արդիական է, քան երբևե»,-հայտարարեց Սուքիասյանը։
Տիգրան Ավինյանն էլ ասաց, թե այդ հարցին կանդրադառնան հարց ու պատասխանի ֆորմատում։
