Երևանի քաղաքապետ Տիգրան Ավինյանի համար հասկանալի չեն «Սրբազան պայքար» շարժման մասնակիցների արժեքները:
«Ես վստահ չեմ, որ իրենք կիսում են ժողովրդավարության արժեքները, ես վստահ չեմ, որ իրենց օրակարգն այս երկրի ու այս երկրի ժողովրդի շահերից է բխում», - ասուլիսի ժամանակ հայտարարեց նա:
Ավինյանը վստահեցրեց, որ իրենք երբևէ ընտրություններ չեն կեղծելու:
«Մի օր, վստահաբար, ընդդիմությունն արդար ընտրությունների միջոցով հաղթելու է, բայց ես վստահ չեմ, որ այսօր այդ ուժերը կան, ովքեր ամենակարևոր, ամենաֆունդամենտալ արժեքը կիսում են»,- հավելեց նա:
