Հայաստանի Հանրապետության արտաքին գործերի նախարարությունը շնորհավորական ուղերձ է հղել Մոզամբիկի անկախության օրվա կապակցությամբ։ Այս մասին նշված է ՀՀ ԱԳ նախարարության X-ի միկրոբլոգում տարածված գրառման մեջ։
«Շնորհավորում ենք Մոզամբիկի կառավարությանն ու ժողովրդին Անկախության օրվա կապակցությամբ։ Երևանը ցանկանում է խորացնել Հայաստան-Մոզամբիկ բարեկամական կապերը և ընդլայնել իր համագործակցությունն ինչպես երկկողմ, այնպես էլ բազմակողմ հարթակներում»,- ասվում է գրառման մեջ։
