Այս ժամանահատվածը ցույց տվեց, որ գործում ենք կեղտոտ համակարգի դեմ՝ իր բոլոր դրսևորումներով, լրագրողների հետ հանդիպմանն ասաց Բագրատ Սրբազանը։
«Սկսած համացանցային ամենաստորին աստիճանից, ժողովրդի գումարներով պահվող ՊՈԱԿ-ներից, մենք լուրեր ունենք, որ սրա մեջ ներգրավված է «Վիվառո» ընկերությունը։ Մեզ տեղեկություններ են փոխանցում, ես հաստատում կատարելու իրավասություն չունեմ»,-ասաց Սրբազանը։
Նա նշեց, թե կեղտոտ համակարգով են գործում, որը բարձրացել է մինչև խորհրդարանի ամբիոն։
«Այս ամբողջ ժամանակահատվածում ԱԺ-ի ամբիոնը դարձել է միջոց, որ մարդիկ ինքնադրսևորվեն այդտեղ։ Դրանցից մեկի՝ Արթուր Հովհաննիսյանի դեմ, որը, ըստ տեղեկությունների, անցել է նաև թմրանյութերի գործով, դատական գործընթաց ենք սկսելու՝ հայտարարությունների համար։ Դատական գործընթաց ենք սկսել նաև մի լրագրողի նկատմամբ, որը մեզ գործակալ է անվանել»,-ասաց Սրբազանը։
Նա ասաց, որ շարժումն իր բովանդակությունից չի շեղվել և դառնալու է մեր երկրում օրակարգ թելադրողը.
«Առաջիկա ամիսների ընթացքումը մենք որևէ կերպ հրապարակը չենք լքելու»։
