Հայաստանը «Եվրատեսիլ 2024»-ի եզրափակչում ելույթ կունենա 19-րդ համարի ներքո: Այս մասին հայտնի է դարձել մրցույթի երկրորդ կիսաեզրափակչից հետո տեղի ունեցած մամուլի ասուլիսին հաջորդող վիճակահանության ժամանակ: Մրցույթը կբացի Շվեդիան եւ կեզրափակի Ավստրիան՝ 26-րդ համարի ներքո:
Մայիսի 11-ին կայանալիք մեծ համերգի ժամանակ հաղթանակի համար կպայքարեն Շվեդիան, Ուկրաինան, Գերմանիան, Լյուքսենբուրգը, Նիդերլանդները, Իսրայելը, Լիտվան, Իսպանիան, Էստոնիան, Իռլանդիան, Լատվիան, Հունաստանը, Միացյալ Թագավորությունը, Նորվեգիան, Իտալիան, Սերբիան, Ֆինլանդիան, Պորտուգալիան, Հայաստանը, Կիպրոսը, Շվեյցարիան, Սլովենիան, Խորվաթիան, Վրաստանը, Ֆրանսիան եւ Ավստրիան:
Հայաստանն այս տարի մրցույթում ներկայացնում է «Լադանիվա» խումբը՝ «Ժակո» երգով: «Եվրատեսիլ 2024»-ն անցկացվում է Շվեդիայի Մալմյո քաղաքում:
