Ավստրալիայի Նոր Հարավային Ուելս նահանգի ափերին բռնված տարօրինակ ծովային արարածի լուսանկարները վախեցրել են համացանցի օգտատերերին և շփոթեցրել փորձառու ձկնորսին, հայտնում է The Miami Herald-ը։
Խորհրդավոր արարածի նկարները հայտնվել են Facebook-ի տեղական խմբում: Դրանցում պատկերված է շագանակագույն երեք մետրանոց օձանման արարած՝ վախեցած աչքերով, հսկայական բերանով և ատամներով, որոնք նման են եղունգների։
«Սա ինձ համար նորություն է, և ես 50 տարի առևտրային ձկնորսությամբ եմ զբաղվում: Ես երբեք նման բան չեմ տեսել»,- հունվարի սկզբին գրել էր Ջեյսոն Մոյզը, ով սոցցանցերում հայտնի է Trapman Australia մականունով։ Նրա խոսքով՝ արարածի երկարությունը մոտ երեք մետր է եղել։
Լուսանկարները հավաքել են 1350 արձագանք և մեկնաբանություն։ Որոշ օգտատերեր նշել են, որ արարածն իրենց շատ է վախեցրել և հեշտությամբ կարող է սարսափ ֆիլմի հերոս դառնալ։
