«Հայտարարում եմ՝ այս գործն ամբողջությամբ քաղաքական հետապնդում է իմ անձի նկատմամբ լիբերալ-ֆաշիստական գործակալական ցանցի կողմից, որը Հայաստանում իշխանությունը զավթեց ադրբաջանաթուրքական հեղափոխության միջոցով»,-դատարանում հայտարարեց անազատության մեջ պահվող հասարակակն գործիչ Նարեկ Մալյանը։
Նա ընդգծեց՝ իր խոսքերից չի հրաժարվում։
«Իմ խոսքերից չեմ հրաժարվում, սակայն որևէ հակաիրավական արարք չեմ արել, դա հասկանալու համար պետք է առնվազն դիտել այդ օրվա ընթացքում իմ բոլոր լայվերը, լրատվական կայքերի՝ այդ ժամերի հեռարձակումներից որոշ դրվագներ և չկտրել խոսքս կոնտեքստից»,-ասաց նա։
