Թուրքական Օսմանգազիում արտակարգ դեպք է տեղի ունեցել, ինչի հետևանքով 33-ամյա Գյուլեսեր Կ.-ն իրենց երկրորդ հարկի բնակարանի պատուհանից դուրս է հրել ամուսնուն՝ Յուչել Ու.-ին։
Կնոջ արարքի պատճառը եղել է խանդը․ նա ամուսնուն կասկածել է դավաճանության մեջ, գրում է Hürriyet-ը։
Միջադեպի պատճառ դարձած վիճաբանությունը սկսվել է երեկոյան՝ ամուսինների տանը։ Թեժ կոնֆլիկտից հետո Գյուլեսեր Կ.-ն, ամուսնուն դավաճանության մեջ մեղադրելով, նրան դուրս է հրել պատուհանից։ Յուչել Ու.-ն ընկել է մի քանի մետր բարձրությունից և, ցավից կծկվելով, սկսել է օգնություն խնդրել հարևաններից։
Գյուլեսեր Կ.-ն դանակը ձեռքին մոտեցել է գետնին ընկած ամուսնուն՝ շարունակելով նախատել նրան։ Միջադեպի ժամանակ Գյուլեսեր Կ.-ն իր դժգոհությունն է հայտնել նաև հարևաններից, ովքեր իրենց հեռախոսով ֆիքսել են միջադեպը՝ բղավելով.
«Սա անհավատարմության գինն է, տղամարդ եղեք, հոգ տանեք ձեր կանանց մասին»։
Իր ցուցմունքում Գյուլեսեր Կ.-ն պնդել է, որ Յուչել Ու.-ն իրեն պատուհանից դուրս է նետել, իսկ Յուչել Ու.-ն պնդել է, որ կինն է իրեն դուրս է հրել։
