««Հայաքվե»-ի քաղաքացիական նախաձեռնությամբ օրենքի նախագիծը Հայաստանի պատմության մեջ, առաջին դեպքն է, երբ քաղաքացիներն օգտվում են իրենց սահմանադրական իրավունքից, երբ օրենքի նախագծի հեղինկը քաղաքացիներն են, էն էլ ինչ քաղաքացիներ՝ մեր հասարակության ամենաորակյալ շերտը»,-ասուլիսում հայտարարեց հասարակական-քաղաքական գործիչ Էդգար Ղազարյանը:
Բանախոսը նշեց, որ կազմակերպչական և քարոզչական մասում ընդգրկվածները հասարակության լավագույն մասն են, որոնցից մեկն էլ ինքն է:
«Ի դեպ, «Հայաստան» խմբակցությունից ինձ չէին հրավիրել այդ խորհրդարանական լսումներին: Ես, իհարկե, կփորձեմ հասկանալ, թե ինչու, արդեն ենթադրություններ ունեմ դրա պատճառների վերաբերյալ, բայց ես այդ նախաձեռնության առաջին խմբի 66 անդամներից մեկն էի, որ գնացել էինք նոտարում տալիս էինք այդ նախաձեռնության մեկնարկը: Ոչ թե ինձ մոռացել են կանչել, այլ պարզվում է, որ կազմակերպիչ կողմը՝ «Հայաստան» խմբակցությունը հեռացրել է իմ անունը հրավիրվածների ցանկից»,-հայտարարեց Ղազարյանը:
Նա հիշեցրեց, որ օրենքի նախագիծը ստորագրել է 58 հազար որակյալ քաղաքացի, բայց հանրային լսումներին չի մասնակցում որևէ ՔՊ-ական պատգամավոր, այն դեպքում, երբ իրենց հռչակել են քաղաքացու իրավունքի պաշտպան:
Նա կոչ արեց, որ «Հայաքվե»-ին միացած քաղաքացիները դեկտեմբերի 4-ին Հավաքվեն ԱԺ-ի դիմաց և ստիպեն ՔՊ-ականներին օրնագիծն ԱԺ օրակարգ ընդգրկել:
«Ականատեսները վկայում են, որ ձեռնարկվել է անվտանգության հատուկ միջոցներ Աժ շենքը դարձրել են մի զորմաս, ԱԿ ինքնաձիգով զինված զինվորական համազգեստով մարդիկ ուղղակի շրջել է ՀՀ ԱԺ միջանցքներում խորհրդարանական լսումենրի ողջ ընթացքում: Պատկերացնում եք՝ մեր սահմաններում պրոբլեմ է, զենք չունեն, բայց պարզվում է, որ ԱԺ միջանցքներում մարտական զենքով զինված զինվորականներ են շրջում, որովհետև մի քանի շերտ ստուգվելուց հետո ԱԺ շենք են մտել մի քանի ընդդիմադիր հասարակական-քաղաքական գործիչ»,-հայտարարեց Ղազարյանը:
