Թել Ավիվի բնակիչները մեծաքանակ գնումներ են անում մթերային խանութներից, ցուցափեղկերից ու պահեստներից որոշ ապրանքներ արդեն իսպառ բացակայում են, հայտնում է Իսրայելում «Ռիա Նովոստի»-ի թղթակիցը։
Ամենից շատ սպառվում է հացը, ձավարեղենը, մակարոնեղենը, կաթնամթերքը։ Որոշ խանութներում գնորդներին մթերքը վաճառում են հստակ չափաբաժնով, օրինակ՝ մեկ հոգուն՝ մի շիշ կաթից ավելի չեն վաճառում։ Նույնիսկ բանջարեղենի ու մրգի խանութները, որոնք միշտ լի են եղել, դատարկված են, հայտնում է «Ռիա Նովոստի»-ի թղթակիցը։
Խանութների աշխատողները մասսայական գնումները ինչ-որ չափով նաև խուճապի արդյունք են համարում։ Նրանք նշում են, որ ամենից շատ սպառվող ապրանքների ցանկում են նաև բրինձը, ձուն։
