Իրանի արտգործնախարարության խոսնակ Նասեր Քանանին ՀԱՄԱՍ-ի հարձակումն Իսրայելի վրա անվանել է «պաղեստինյան դիմադրության պատմության մեջ նոր էջ»։
«ՀԱՄԱՍ շարժման այսօրվա գործողությունը կարևոր քայլ է սիոնիստների դեմ պաղեստինյան ժողովրդի զինված դիմադրության շարունակման համար», - ISNA-ին տված հարցազրույցում ասել է Քանանին: «Այս գործողությունը նոր էջ է բացում պաղեստինյան դիմադրության պատմության մեջ»:
Իսլամական Հանրապետության արտաքին գործերի նախարարության ներկայացուցչի խոսքով՝ ՀԱՄԱՍ շարժումը ցուցադրել է «զավթիչների դեմ անսպասելիության տարրն օգտագործելու և համակցված գործողություններ իրականացնելու կարողություն»։ «Այս իրադարձությունը ևս մեկ անգամ ցույց տվեց, թե որքան փխրուն են սիոնիստները, եթե նրանք հանդիպեն լուրջ դիմադրության»:
