Արցախցի Աննա Մանգասարյանը ֆեյսբուքյան իր էջում հրապարակել է երկու հացի լուսանկար ու գրել.
«Մի շաբաթ հաց չունենալուց հետո գնեցինք։ Եգիպտացորենի ալյուրից, բայց շատ համեղ։ Չենք դժգոհում, կարևորը Ակնայի ալյուրից չի»։
Հիշեցնենք, որ անցած տարվա դեկտեմբերի 12-ից Ադրբեջանի կողմից շրջափակված Արցախում մարդիկ սովի են մատնված։
Այսօրվանից Ստեփանակերտ քաղաքում հացի վաճառքը կիրականացվի կտրոններով։ Մեկ անձի հաշվով կվաճառվի կես հաց (մոտավոր՝ 200գրամ)։
Չնայած հացի պակասին, արցախցիները փակել են Ասկերան-Ակնա ճանապարհն ու չեն ընդունում Ադրբեջանից որպես «հումանիտար օգնություն» ուղարկված ալյուրը։
