«Ապրելու երկիր» կուսակցությունը ընտրություններին մասնակցող միակ ուժն է, որն այն դիտարկում է և՛ Երևանի զարգացման համար ընտրություն, և՛ իշխանափոխության համար ընտրություն։ Այս մասին իր ֆեյսբուքյան էջում գրել է «Ապրելու երկիր» կուսակցության համահիմնադիր Մեսրոպ Առաքելյանը։
«Երևանի ընտրությունները, այո՛, Երևան քաղաքի ընտրություններ են, և մենք ներկայանում ենք Երևան քաղաքի խնդիրների լուծման հստակ ծրագրերով և Երևանը եվրոպական մակարդակի մայրաքաղաք դարձնելու մեգանախագծերով»,- նշել է Առաքելյանը։
Ըստ նրա՝ Երևանի ընտրությունները քաղաքական ընտրություններ են, և «մենք երկրում ամբողջական իշխանափոխությունը իրականացնում ենք ընտրությունների միջոցով՝ սկսելով մարզերից, գալով Երևան, դեպի համապետական ընտրություններ»։
«Այո՛, «Ապրելու երկիր» կուսակցությունը ընտրություններին մասնակցող միակ ուժն է, որն այն դիտարկում է և՛ Երևանի զարգացման համար ընտրություն, և՛ իշխանափոխության համար ընտրություն։
Երկու դեպքում էլ մեր առաջարկը լավագույնն է։
Մենք գիտե՛նք ինչպես
Փոխե՛նք ապագան»,- եզրափակել է քաղաքական գործիչը։
