Հայաստանի և Ադրբեջանի սահմանին Հավաքական անվտանգության պայմանագրի կազմակերպության (ՀԱՊԿ) առաքելության տեղակայումը կնպաստի իրավիճակի կայունացմանը, ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Լեռնային Ղարաբաղը ՀԱՊԿ-ի պատասխանատվության գոտում չէ: Միևնույն ժամանակ, կազմակերպության առաքելության տեղակայումը Հայաստանում զգալի ներդրում կունենա հայ-ադրբեջանական սահմանային գոտում իրավիճակի կայունացման գործում: Գնդակը հայկական կողմում է»,- նշել է Զախարովան:
Հիշեցնենք՝ ապրիլի 20-ին ՀՀ վարչապետ Նիկոլ Փաշինյանը, պատասխանելով Aysor.am-ի հարցին, ասել էր՝ Հայաստանը պատրաստ է, որ ՀՀ սահմանին ՀԱՊԿ դիտորդական առաքելություն տեղակայվի:
«Մենք այդ ուղղությամբ շարունակում ենք աշխատել», - ասել էր վարչապետը։
