Lamborghini-ն հայտարարել է իր առաջին շքեղ անշարժ գույքի նախագծի մասին Եվրոպայում, որը մշակվելու է DarGlobal-ի հետ համատեղ:
Ավելի վաղ իտալական սուպերմեքենաներ արտադրողը մուտք է գործել Դուբայի անշարժ գույքի շուկա՝ կառուցելով բարձրակարգ առանձնատներ Emaar's Dubai Hills Estate-ում, որոնք կարճ ժամանակում սպառվել են:
Այժմ Lamborghini-ն ցանկանում է կրկնել իր հաջողությունն այս նոր նախագծով։ Tierra Viva համալիրը բաղկացած կլինի 53 շքեղ երկհարկանի վիլլաներից, որոնք նայում են դեպի Միջերկրական ծով։ Դրանք գտնվում են Իսպանիայի հարավային ափին գտնվող Բեհանավիս քաղաքում։
Ընտրության համար կլինեն երեք տարբեր տեսակի վիլլաներ՝ Diamante, Zafiro եւ Esmeralda, որոնք կունենան համապատասխանաբար 6, 5 եւ 4 ննջասենյակ։ Յուրաքանչյուր վիլլայի դիզայնը մի փոքր տարբեր կլինի ու կառաջարկի բարձրակարգ հարմարություններ, ներառյալ «ուղիղ մուտք դեպի ավտոմեքենա, անսահման լողավազաններ, բազմաթիվ պատշգամբներ եւ ծաղկապատ այգիներ»:
Ընկերության կողմից թողարկված նկարները ցույց են տալիս մինիմալիստական ու մաքուր մոտեցում արտաքին դիզայնին: DarGobal-ը նշել է, որ վիլլաները «տեղակայվելու են տարբեր բարձրությունների վրա», որպեսզի բոլոր բնակիչներն ունենան «պանորամային տեսարան դեպի Միջերկրական ծով»:
Ինչ վերաբերում է ինտերիերին, ապա դիզայնի մինիմալիստական մոտեցումն իրականացվում է դեպի ներս՝ բաց գույների լայնածավալ օգտագործմամբ: Վիլլաները կունենան հատակից առաստաղ ապակեպատում, փայլեցված մարմարե հատակներ եւ նուրբ կաշվե պաստառագործություն: Ըստ ավտոարտադրողի՝ «վիլլայի դիզայնն ուղղակիորեն ոգեշնչված է բրենդի սուպերքարերից, մինչդեռ ինտերիերը զարդարված են Lamborghini ոճով ոգեշնչված բարդ ավարտվածքներով»:
DarGlobal-ը հայտնում է, որ նախագիծը նախատեսվում է ավարտել 2027 թվականին։ Թեեւ գնագոյացումը չի հրապարակվել, ամբողջ նախագծի արժեքը գնահատվում է մոտ 310 միլիոն դոլար:
