Թուրքիայի գործող նախագահ Ռեջեփ Թայիփ Էրդողանը 85,45 տոկոս քվեաթերթիկները մշակելուց հետո հավաքել է ձայների 53,15 տոկոսը, նրա մրցակից Քեմալ Քըլըչդարօղլուն՝ 46,85 տոկոս, հաղորդում է TRT Haber պետական հեռուստաալիքը։ Գրում է РИА Новости-ն։
Նշենք, որ Ընդդիմադիր «Անկա» լրատվական գործակալությունը հայտնում է, որ առաջատարը Քըլըչդարօղլուն է։
Հիշեցնենք, որ այս օր՝ մայիսի 28-ին, Թուրքիայում կայացել է նախագահական ընտրությունների երկրորդ փուլը, ընտրատեղամասերը բաց են եղել տեղական ժամանակով ժամը 08.00-ից։ Նախագահի պաշտոնի համար պայքարում են հանրապետության ներկայիս ղեկավար Ռեջեփ Թայիփ Էրդողանը և ընդդիմադիր դաշինքի միասնական թեկնածու Քեմալ Քըլըչդարօղլուն։
