Թուրքական ընդդիմության առաջնորդ, Ժողովրդահանրապետական կուսակցության ղեկավար և նախագահի թեկնածու Քեմալ Քըլըչդարօղլուն Ռուսաստանին մեղադրել է դավադրության մեջ և կոչ արել «ձեռքերը հեռու պահել թուրքական պետությունից»։ Այս մասին նա գրել է իր Twitter-ում։
«Հարգելի ռուս ընկերներ, դուք կանգնած եք մոնտաժների, դավադրությունների, Deep Fake բովանդակության և ձայնագրությունների հետևում, որոնք երեկ բացահայտվեցին այս երկրում: Եթե ցանկանում եք շարունակել մեր բարեկամությունը մայիսի 15-ից հետո, ձեր ձեռքերը հեռու պահեք թուրքական պետությունից։ Մենք շարունակում ենք հանդես գալ համագործակցության և բարեկամության օգտին»,- գրել է նա թուրքերեն և ռուսերեն:
