ՌԴ նախագահ Վլադիմիր Պուտինը ստորագրել է դավաճանության համար ցմահ ազատազրկման մասին օրենքը։ Այս մասին հայտնում է ՏԱՍՍ-ը։
Հստակեցվում է, որ պատժի այս միջոցը կարող է կիրառվել լրտեսության և օտարերկրացիներին պետական գաղտնիք կազմող տեղեկություններ տրամադրելու դեպքում։
Նախկինում պետական դավաճանության համար առավելագույն պատժաչափը 20 տարի էր։
Բացի այդ, քրեական պատասխանատվություն է մտցվում մինչև հինգ տարի ազատազրկմամբ՝ միջազգային կազմակերպությունների կամ օտարերկրյա պետական կառույցների, որոնցում Ռուսաստանը չի մասնակցում, որոշումների կատարմանն աջակցելու համար։
