Փաստաբան Ռուբեն Մելիքյանն այցելել է Շահումյանի բաժին, որտեղ ձերբակալված է Ծանրամարտի առաջնությանն Ադրբեջանի դրոշն այրած դիզայներ Արամ Նիկոլյանը։
Ռուբեն Մելիքյանը ֆեյսբուքյան իր էջի ուղիղ եթերի միջոցով հայտնեց, որ քաղաքացիներ են հավաքվում բաժնի մոտ` իրենց աջակցությունը հայտնելու Արամ Նիկոլյանին։
«Բացի այդ, ես այստեղ իմացա, որ կարծեք թե ծանր հոդված են կարում, խուլիգանության հոդվածի 3֊րդ մաս, նախատեսվում է պատիժ 4֊8 տարի ժամկետով։ Ես չեմ նրա փաստաբանը, նրան չեմ ճանաչում, բայց եթե այդպես լինի, ես այդ որոշման տակ ստորագրած քննիչի լուսանկարը տեղադրելու եմ, որ երեխան, հարազատները իմանան, թե նա ինչպես է փող աշխատում»,֊ասաց Մելիքյանը։
