Կառավարության այսօրվա նիսիտում որոշում կընդունվի 2023թ. մայիսի 1-ից մինչև հուլիսի 7-ը պահեստազորայինների վարժական հավաքներ անցկացնելու և ռազմատրանսպորտային պարտականություններ ունեցող մարմիններից տրանսպորտային միջոցներ ներգրավելու մասին:
Նախագծով սահմանվում են վարժական հավաքների անցկացման նպատակները, ներգրավվող պահեստազորայինների կազմերը, քանակները, ներգրավման ժամկետները, ներգրավվող տրանսպորտային միջոցների տեսակները, քանակները և ներգրավման ժամկետները:
Հիմնավորման մեջ ասվում է, որ որոշման նախագծի ընդունման կապակցությամբ ՀՀ պետական բյուջեում լրացուցիչ ծախսեր չեն առաջանում: Հայտարարվող վարժական հավաքների ծախսերն իրականացվելու են ՀՀ 2023 թվականի պետական բյուջեով այդ նպատակով հատկացված միջոցների հաշվին:
