ՀԱՊԿ միացյալ շտաբում տեղի են ունեցել 2023 թվականին նախատեսված ՀԱՊԿ-ի հավաքական ուժերի հետ համատեղ զորավարժությունների նախապատրաստման վերաբերյալ առաջին շտաբային բանակցությունները, հայտնում է շտաբի մամուլի ծառայությունը։
Մարտի 28-30-ը տեղի են ունեցել շտաբային բանակցություններ։ Բանակցություններին մասնակցել են Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի, շահագրգիռ նախարարությունների եւ գերատեսչությունների ներկայացուցիչները, ինչպես նաեւ ՀԱՊԿ քարտուղարության եւ միացյալ շտաբի ներկայացուցիչները։
2023 թվականին ՀԱՊԿ զորքերի հետ զորավարժությունները կանցկացվեն «Մարտական եղբայրություն» համատեղ օպերատիվ-ռազմավարական զորավարժության տեսքով, որը համարվում է կազմակերպության ձեւաչափով համատեղ պատրաստության բարձրագույն ձեւ։ ՀԱՊԿ պատասխանատվության գոտու տարբեր շրջաններում կներգրավվեն հավաքական անվտանգության համակարգի բոլոր տարրերը։
«Մարտական եղբայրություն-2023» համատեղ օպերատիվ-ռազմավարական զորավարժությունների շրջանակներում նախատեսվում է միջոցառումների համալիր։
«Բելառուսի Հանրապետության տարածքում առաջին անգամ կանցկացվի հատուկ վարժանք՝ «Բարիեր-2023» ռադիացիոն, քիմիական եւ կենսաբանական պաշտպանության եւ բժշկական ապահովման համատեղ ձեւավորմամբ»,- նշել են մամուլի ծառայությունում։
Հավաքական անվտանգության Կենտրոնական Ասիայի տարածաշրջանում նախատեսվում է ՀԱՊԿ խաղաղապահ ուժերի հետ համատեղ «Անխախտ եղբայրություն-2023» զորավարժության անցկացում:
