Բժշկական գիտությունների թեկնածու, կլինիկական հոգեբան Դենիս Դոլգովը անսպասելի խորհուրդներ է տվել այն մարդկանց, ովքեր դավաճանում են իրենց մշտական զուգընկերոջը կամ ամուսնուն։ Այս մասին նա գրել է իր Telegram-յան ալիքում, հաղորդում է Lenta.ru-ն։
Դոլգովի խոսքով, եթե հարաբերությունները շարունակելու ցանկություն կա, չպետք է խոստովանել, որ դավաճանում ես, որպեսզի զուգընկերոջը հոգեբանական ծանր տրավմա չպատճառես։ «Նույնիսկ եթե զուգընկերը հիմնավոր կասկածներ ունի, պարտիզանի պես լռիր։ Եթե շարունակեք ձերը պնդել՝ որոշակի հույս է մնում, որ դա տեղի չի ունեցել»,- ասել է նա։ Հոգեբանը հավելել է, որ այս դեպքում խաբվածը միացնում է հոգեբանական պաշտպանության մեխանիզմները, և հակասական իրավիճակին արձագանքը դառնում է ավելի քիչ սուր։
Եթե նույնիսկ դավաճանին ներել են, իսկ միությունը փրկվել է, ապա դժվար է վերականգնվել հարվածից, զգուշացրել է Դոլգովը։ «Ես շատ հաճախորդներ ունեմ, ովքեր «ներել» են իրենց ամուսնու դավաճանությունը, բայց տառապում են տրավմատիկ հիշողություններով տարիներ կամ նույնիսկ տասնամյակներ: Ինձ հատկապես զարմացնում են այն կերպարները, ովքեր խոստովանում են դավաճանությունը գրեթե սեփական նախաձեռնությամբ՝ դրանով դրսևորելով իրենց «ազնվությունը»»,- ասել է նա։
