ՌԴ նախագահ Վլադիմիր Պուտինը Պետդումա է ներկայացրել «Ռուսաստանի Դաշնության նկատմամբ Եվրոպայի խորհրդի միջազգային պայմանագրերը դադարեցնելու մասին» օրինագիծը։ Փաստաթուղթը գրանցվել է և ուղարկվել ստորին պալատի նախագահ Վյաչեսլավ Վոլոդինին։
Խոսքը հետևյալ պայմանագրերի մասին է.
«Եվրոպայի խորհրդի կանոնադրություն»-ը,
«Եվրոպայի խորհրդի արտոնությունների եւ անձեռնմխելիության մասին ընդհանուր համաձայնագիր»-ը, ինչպես նաեւ դրա հինգ արձանագրությունները,
«Մարդու իրավունքների եւ հիմնարար ազատությունների պաշտպանության մասին կոնվենցիա»-ն, ինչպես նաեւ դրա տասը արձանագրությունները,
«Ահաբեկչության դեմ պայքարի եվրոպական կոնվենցիա»-ն,
«Տեղական ինքնակառավարման եվրոպական խարտիա»-ն,
«Եվրոպական սոցիալական խարտիա»-ն։
Նշվում է, որ Եվրոխորհրդի միջազգային պայմանագրերը Ռուսաստանում դադարեցված կհամարվեն 2022 թվականի մարտի 16-ից։
Եվրախորհուրդը դադարեցրել է Ռուսաստանի Դաշնության անդամակցությունը կազմակերպությանը 2022 թվականի փետրվարի 25-ին՝ հատուկ ռազմական գործողության մեկնարկից հետո։ Մարտի 15-ին Ռուսաստանը հայտարարեց կազմակերպությունից դուրս գալու գործընթացի մեկնարկի մասին։
