1. Թքած ունենալ ուրիշների կարծիքի վրա
Ցանկացած մեծ աղջիկ թքած ունի ուրիշների կարծիքի վրա, հատկապես, երբ այդ կարծիքն իր մասին է։ Հակառակ դեպքում դուք թույլ եք տալիս ուրիշներին կառավարել ձեր կյանքն ու որոշել, թե ինչ հունով պետք է այն ընթանա։
2. Թքած ունենալ նորաձևության անհեթեթ կանոնների վրա
Սպիտակ հագնել խորհուրդ չի՞ տրվում. թքած ունեցեք։ Ապրեք այնպես, ինչպես հարմար է ձեզ և ինչպես ձեզ լավ եք զգում։
3. Թքած ունենալ նախկինի վրա
Հիշեք, որ դուք բաժանվել եք ստույգ պատճառով, իսկ այդ պատճառը տատանվում է նրա՝ շատ հիմար կամ ամենահիմարը լինելու մեջ։ Այդ իսկ պատճառով էլ թքած ունեցեք նրա և նրան վերաբերող ցանկացած բանի վրա։
4. Թքած ունենալ անկողնում քաղաքավարի լինելու վրա
Երբ դուք մեծ աղջիկ եք, դուք թքած ունեք ցանկացած քաղաքավարիության վրա, իհարկե, անկողնում։ Դուք պետք է ստանաք այն ամենը, ինչ ուզում եք, իսկ հակառակ դեպքում՝ պարզապես թքած ունեցեք նրա և ամեն ինչի վրա։
5. Թքած ունենալ «լաչառ» լինելու վրա
Պետք չէ ամեն անգամ լեզուն կուլ տալ և լռել, երբ ցանկանում եք խոսել և ձեր դժգոհությունն արտահայտել։ Եթե ինչ-որ մեկը ձեզ համար վիրավորական բան է ասում, ապա արտահայտվեք և պաշտպանեք ձեր իրավունքները։
6. Թքած ունենալ թունավոր հարաբերություններին վերջ դնելու վրա
Որոշ մարդիկ վատ են ազդում ձեզ վրա։ Դուք պետք է թքած ունենաք նման մարդկանց և նրանց հետ ունեցած հարաբերությունների վրա և անհապաղ ազատվեք նրանց վատ ազդեցությունից։
7. Թքած ունենալ սխալների վրա
Սխալները չեն որոշում ձեզ. դրանք պարզապես դրվագներ են, որոնք օգնում են դառնալ այն մարդը, որը դուք կաք։ Սխալները ետ չեն պահում ձեզ, չեն բացում քննադատության տեղ և չեն կործանում ձեր կյանքը։ Դրանք անհրաժեշտ խոչընդոտներ են, որոնք վրա ոչ միայն պետք է թքած ունենալ, այլև ինչ-որ տեղ շնորհակալ լինել՝ սովորեցրած դասերի համար։
8. Թքած ունենալ որևէ տեղ «համապատասխանելու» վրա
Որոշ մարդիկ ամբողջ կյանքում փորձում են համապատասխանել որոշ խմբերի ստանդարտներին ու նորմերին։ Սակային ինչու լինել միլիոնավոր ոչխարներից մեկը, եթե կարող եք ձեր յուրահատուկ անհատականությունն ունենալ։
9. Թքած ունենալ սոցիալական ցանցերի վրա
Սոցցանցերը իրական կայնքը չեն։ Այն մարդիկ, ովքեր չեն լայքում ձեր նկարները, ձեր թշնամիները չեն։ Պարզապես թքած ունեցեք նման մանր բաների վրա։
10. Թքած ունենալ «անթերի մարմին» ունենալու վրա
Դուք պետք է անթերի մարմին ունենաք հենց ձեզ համար և ոչ թե ուրիշների։ Իսկ հիմա գնացեք և կերեք այն պիցցան, որը չէիք կերել դիետաների և նման բաների պատճառով։
11. Թքած ունենալ կարգավիճակը ցուցադրող նշանների վրա
Lousi Vuitton-ից պայուսակ, Chanel-ից օծանելիք ունենալը ձեզ ավելի լավ մարդ չի դարձնի։ Բացի այդ՝ ո՞վ է իմանալու՝ այդ շպարը Dior է, թե Maybelline։
12. Թքած ունենալ այն բաների վրա, որոնք չեք կարող կառավարել
Միշտ էլ կան այնպիսի բաներ, որոնց վրա պարզապես անհնար է ազդել։ Դուք ազատ և երջանիկ կլինեք միայն այն ժամանակ, երբ թքած ունենաք նման բաների վրա։
13. Թքած ունենալ թքած ունենալու վրա
Կյանքի ընթացքում դուք պետք է կարողանաք դասակարգել իրերն ըստ առաջնահերթության ու կարևորության։ Եթե որոշել եք մի բանի վրա թքած ունենալ, ապա ամբողջ ուժով թքած ունեցեք, իսկ եթե հակառակը, ապա ամբողջ ուժով զբաղվեք այդ խնդրով։ Երբեք պետք չէ կիսով չափ ինչ-որ բան անել։
