Մեկ ամիս առաջ Նիկոլ Փաշինյանի հատուկ հանձնարարություններով դեսպան Էդմոն Մարուքյանն իր հարցազրույցներում հիմնավորում էր, թե Նիկոլ Փաշինյանը Բերձորը՝ իր հարակից գյուղերով, Ադրբեջանին է տալիս, որ Ադրբեջանին իրենց պահանջած Զանգեզուրի միջանցքը չտան:
«Ադրբեջանը Հայաստանից պահանջում է սուվերեն միջանցք: Հայաստանի Հանրապետությունը չի տալիս այդ միջանցքը: Ինչքան էլ որ շուրջ երկու տարի է՝ տարբեր օղակներ, փորձագետներ, եսիմ ովքեր պնդում են, որ հանձնել է, տվել է, ստորագրել է, եսիմ ինչ են արել, Հայաստանը չի տալիս այդ միջանցքը: Հայաստանն ասում է՝ օրենսդրությամբ սահմանված կարգով բացում եմ բոլոր կետերը, ոչ մի խնդիր չկա, եկեք բոլոր տեղերով անցեք: Բայց իրենց դա չէ պետք: Իրենց պետք է հող, կրկնում եմ, հողակտոր Հայաստանի Հանրապետության՝ միջազգայնորեն ճանաչված տարածքից»,- «Առավոտի» հետ զրույցում ասել է Էդմոն Մարուքյանը:
Նա նաև հարց էր ուղղել ՀՀ քաղաքացիներին:
«Հայաստանի Հանրապետության քաղաքացիներն ուզո՞ւմ են, որ Հայաստանն իր տարածքից զիջում կատարի հանուն նրա, որ, օրինակ, Ադրբեջանն էլ թույլ տա, որ Լաչինի միջանցքում երկար մնանք: Գինը դա է»,- նշել էր նա:
Մարուքյանի այդ խոսքից անցավ մեկ ամիս. Հայաստանը սեպտեմբերի 14-ից գտնվում է հերթական լայնածավալ պատերազմի մեջ: Ադրբեջանն ագրեսիա է իրականացնում Հայաստանի տարածքների նկատմամբ՝ պահանջելով Զանգեզուրի միջանցքը:
Հիմա՝ հարց. այդ դեպքում Բերձորի միջանցքն ինչո՞ւ ափալ-թափալ հանձնեցիք Ադրբեջանին, եթե պետք է պատերազմով փորձեին ստանալ իրենց ուզածը, ինչո՞ւ Բերձորը, Սուսը, Աղավնոն նվիրեցիք Ադրբեջանին ու մարդկանց ստիպեցիք կրկին տնավեր դառնալ ու բռնել գաղթի ճանապարհը:
Այս հարցերի հասցեատերն այս պահին Նիկոլ Փաշինյանի հատուկ հանձնարարություններով դեսպան Էդմոն Մարուքյանն է:
Մանրամասները՝ տեսանյութում
