ՄԱԿ-ի Անվտանգության խորհուրդը նամակ է ստացել Հայաստանի մշտական ներկայացուցչից՝ Ադրբեջանի ագրեսիայի կապակցությամբ Անվտանգության խորհրդի արտակարգ նիստ հրավիրելու խնդրանքով, ՌԻԱ Նովոստիին հայտնել է Անվտանգության խորհրդի աղբյուրը։
«Անվտանգության խորհուրդը նման նամակ է ստացել հայկական առաքելությունից»,- ասել է աղբյուրը։ Նամակում, որի պատճենը ՌԻԱ Նովոստիի տրամադրության տակ է, ասվում է, որ ՀՀ ԱԳՆ ղեկավարի անունից ՄԱԿ-ում Հայաստանի մշտական ներկայացուցիչ Մհեր Մարգարյանը խնդրում է հրավիրել ՄԱԿ-ի Անվտանգության խորհրդի արտակարգ նիստ... 2022 թվականի սեպտեմբերի 13-ին Հայաստանի Հանրապետության դեմ սանձազերծված Ադրբեջանի լայնածավալ ագրեսիայի հետ կապված, որն անմիջական վտանգ է ներկայացնում միջազգային խաղաղության և անվտանգության համար։
