Միքայել Բադալյանը գրավով ազատ կարձակվի։ Դատավոր Արուսյակ Ալեքսանյանը բավարարեց միջնորդությունը։ Այս մասին տեղեկացնում է փաստաբան Էրիկ Ալեքսանյանը:
«Դատավորը գտնվեց իր բարձրունքում»,- նշել է նա։
Հիշեցնենք, որ Միքայել Բադալյանի առողջական վիճակը կտրուկ վատացել է, նրա մոտ նախաինսուլտային վիճակ է, նրան տեղափոխել են Հանրապետական հիվանդանոց:
Միքայել Բադալյանը ակտիվ մասնակցել է «Դիմադրություն» շարժման անհնազանդության ակցիաներին։ Նա կալանավորվել է մայիսի 24-ին, նրան մեղադրանք է առաջադրվել ահաբեկչության մասին սուտ հաղորդում տալու հատկանիշներով։ Հուլիսի 18-ին 20 օրով երկարացվել է կալանքի ժամկետը:
