Այսօր՝ հունիսի 13-ին, Ազգային ժողովի խորհուրդը կքննարկի 33 ընդդիմադիր պատգամավորների լիազորությունները դադարեցնելու համար Սահմանադրական դատարան դիմելու հարցը: ՔՊ-ականները առաջարկում են ընդդիմադիր պատգամավորներին մանդատից զրկել անհարգելի բացակայելու հիմքով:
Հետաքրքիր է այն, որ ՔՊ-ական պատգամավորներ կան, որ «Հայաստան» և «Պատիվ ունեմ» խմբակցությունների պատգամավորիներից ավել են բացակայել:
Այսպես․ ըստ Parlamentmonitoring.am կայքի՝ «Քաղաքացիական կուսակցության» պատգամավորներ Ալեն Սիմոնյանը նիստերից բացակայել է 150 անգամ
Մերի Գալստյան - 107
Խաչատուր Սուքիասյան - 89
Սարգիս Խանդանյան - 84
Դավիթ Դանիելյան - 80
Ծովինար Վարդանյան - 75
Քրիստինե Պողոսյան - 70
Սիսիակ Գաբրիելյան - 66
Բաբկեն Թունյան - 66
Նշենք, որ նրանցից շատերը չեն փայլել ակտիվությամբ: Օրինակ Քրիստինե Պողոսյանը մեկ անգամ հարց է տվել և 0 անգամ ելույթ ունեցել, կամ Մերի Գալստյանը, որը ելույթ է ունեցել 1 անգամ և հարց հնչեցրել 0 անգամ, կամ Դավիթ Դանիելյանը, որը 0 անգամ հարց է հնչեցրել և միայն մեկ անգամ ելույթ ունեցել:
Այս պատգամավորների աշխատավարձից պահում արվե՞լ է, թե՞ ստացել են, այդ թվում՝ պարգևավճար՝ «փայլուն աշխատանքի» համար։ Ընդդիմադիրների բացակայությունը բոյկոտի արդյունք է, իսկ այս պատգամավորների՞նը։ Ալեն Սիմոնյանինը հասկանում ենք, մարդն առավոտից երեկո «վոյաժների» մեջ է։ Բա մյուսնե՞րը:
Yerevan.today
