ԻՔՄ-ն հայտնել է, թե քանի մարդ է մասնակցել ընդդիմության այսօրվա հանրահավաքին


ԻՔՄ-ն հայտնել է, թե քանի մարդ է մասնակցել ընդդիմության այսօրվա հանրահավաքին
Մայիս 28 21:23 2022

Այսօր՝ մայիսի 28-ին, ընդդիմադիր «Դիմադրություն» շարժումը ժամը 18:00-ին Երևանի Ֆրանսիայի հրապարակում հրավիրել էր հանրահավաք, որը մեկնարկեց քիչ ավելի ուշ՝ մոտ 18:30-ին:

«Իրազեկ քաղաքացիների միավորումն» աերոնկարահանման միջոցով իրականացրել է հանրահավաքի մասնակիցների հաշվարկ, որի արդյունքում պարզվել է, որ 18:56-ի դրությամբ Ֆրանսիայի հրապարակում և հարակից տարածքներում գտնվել է շուրջ 5850 մարդ:

Հարկ է նշել, որ հանրահավաքի որոշ մասնակիցներ, հավանաբար, տեսանելի չեն՝ ծառերի կամ վրանների տակ գտնվելու պատճառով:

Հաշվարկն իրականացվել է մասնակիցների անհատական հաշվարկի միջոցով։



loading...